100mb睇波夠哂？

咁屋企100M嘅上網速度，足唔足夠睇波呢？咁其實呢無論係用電視機頂盒睇波又好，用電腦上網睇波都好，正常嚟講呢100M呢其實就非常之足夠㗎喇。因為睇netflix嘅4k影片，佢都係建議需要15m速度嘅啫。不過呢如果你屋企係會有好多個人同時上網嘅話呢，100M呢就未必足夠。就好似頭先所講咁樣如果你屋企係有人同時睇緊Netflix 4k影片，用咗15M。又有人同時下載緊一啲大型嘅文件或者係應用程式，呢個時候呢可能你屋企本身又用緊wi-fi連接緊一啲智能嘅電器，好似網絡攝影機，或者係智能燈泡、智能雪櫃等等。咁一啲電器呢其實都係會攤分咗你嘅上網速度。咁喺網速被攤分嘅情況底下呢，100m上網就有機會唔夠喇。咁點先可以確保喺睇波嘅時候唔會受到干擾、暢順咁樣睇波呢？其實不外乎呢都係得兩個方法嘅啫。一就係確保你睇波嘅時候，唔好用其他智能嘅電器，咁個網速就自然唔會畀人攤分。第二呢，就係升級你嘅上網服務計劃，或者呢係裝多一條上網線。咁100m唔夠自然就可以升級去300M、500m、甚至乎係1000M啦。咁裝多一條上網線嘅好處係乜嘢呢？第一，在當一間網絡服務供應商突然之間提供唔到服務，或者係服務受到影響嘅時候呢，可以用第二間網絡服務供應商嘅服務。第二呢，就係你可以擁有一條專係屬於睇波嘅上網線。咁就可以確保無論你單位入面嘅其他人做啲乜嘢嘢都好，都唔會影響到你睇波嘅嗰條上網線，同時呢亦都唔存在你嘅上網速度比人攤分嘅問題。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！