1000mb有幾快？做到咩？

平時我哋家居上網1000mb即係有幾快呢？又做到啲乜嘢呢？又或者好多人都會話，100mb有或者500mb已經夠用啦喎有冇需要用到1000mb呢？咁冇錯嘅，1000mb呢理論上係快過100mb十倍嘅。即係你下載一個10GB嘅檔案呢，用100mb嘅速度下載呢，大概就需要15分鐘。咁但係用1000mb嘅速度下載呢，可能兩分鐘都唔使呢就下載完啦。咁係咁樣嘅情況底下呢，1000mb呢的確就係好快啦。因為當你需要下載檔案、應用程式、又或者遊戲嘅時候呢所用嘅時間呢係少咗好多嘅。

咁呢個時候呢可能就會有人問啦，咁點解仲會有人覺得100mb、500mb已經係足夠呢？甚至乎可能覺得根本就冇需要用到1000mb喎。咁可能係因為呢喺現實上我哋需要用到1000mb下載速度嘅機會實在係唔多嘅。因為無論係我哋上網打機、睇片、又或者係瀏覽一啲新聞網頁，諸如此類都好啦，佢哋需要嘅下載速度呢一般都唔會超過100mbps。打機啦可能幾mbps就足夠啦、睇高清甚至乎4k影片可能25mbps就非常之足夠喇、至於係視像會議又或者用Zoom上網課呢可能10mbps就已經足夠。換言之如果你唔係經常需要下載一啲大型嘅檔案、文件、應用程式、又或者遊戲嘅話呢，一般人係好難感受到100mb同埋1000mb嘅分別嘅。所以當有人問1000mb即係有幾快呢，從下載時間嘅角度去睇呢，比起100mb、200mb、500mb嘅速度嚟講呢真係快咗好多嘅。不過對於普通人嚟講，實際使用上係唔係真係感覺到好快呢，咁就好可能係見仁見智啦。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！