短期wifi有冇推介？

咁短期wi-fi其實有乜嘢推介呢？咁好多人因為各種各樣嘅原因呢，例如經常搬屋呀、短期攤位呀、臨時嘅商業活動等等，係唔想簽一份長期嘅合約安裝上網嘅。咁呢個時候呢其實就可以考慮一啲市面上嘅wi-fi蛋租借服務。咁好多人以為wi-fi蛋呢其實呢就只係講緊好細隻旅行用嘅wi-fi蛋。細隻嘅wi-fi蛋連接嘅裝置可能又少呀、覆蓋範圍又唔大喇、速度亦都未必快啦，咁可能就只係適合一個人或者係兩三個人用嘅啫。咁但係其實而家呢除咗一啲小型嘅wi-fi蛋租借服務之外，仲有一啲大型嘅wi-fi蛋租借服務嘅。咁乜嘢係大型嘅wi-fi蛋呢？其實呢就即係sim卡路由器，或者我哋所講嘅sim卡router。咁同細隻嘅wi-fi蛋呢嘅原理呢係完全一模一樣嘅。普遍都係插張sim card入去然後分享wifi嘅。咁大隻嘅wi-fi蛋有乜嘢好處呢？就係佢可以同時連接更加多嘅裝置、覆蓋範圍呢亦都會比較大嘅。咁就適合喺一個單位嘅範圍入面多個人同時使用。咁可能就會有人問啦，咁呢一款大型嘅wi-fi蛋其實同而家先SMARTONE、3HK又或者係CMHK嘅5G私人寬頻有乜嘢分別呢？基本上係冇分別嘅。唔同嘅地方呢可能呢只係速度上有唔同同埋合約期有唔同。租返嚟嘅wi-fi蛋可能係用5g網絡亦都可能係用4g網絡，咁就視乎你選擇嘅計劃啦。咁同埋租返嚟嘅wi-fi蛋呢係可以選擇以日租或者月租咁計嘅，就唔需要一定簽一份兩年或者三年嘅合約嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！