無光纖無其他供應商轉5G會唔會好d？

咁冇光纖又冇其他供應商提供服務，轉5G寬頻會唔會好啲呢？咁其實就好視乎兩樣嘢嘅。第一就係你而家嘅上網速度究竟有幾快呢？第二就係轉咗5G速度之後會有幾快呢？如果你而家係用緊電話線上網，只係得8M、6M、3M、甚至乎2M速度呢，轉用5g寬頻嘅話呢的確係會有好大機會好好多嘅。因為根據speedtest.net香港5G速度中位數嘅統計嚟睇呢，2022年第1季度，香港各間網絡服務供應商都有100M或以上嘅。最快都係中國移動CMHK有172.19M。不過大家都知啦，因為5g寬頻係無線接收訊號嘅關係，速度係同股票一樣係可升可跌嘅。咁點先知到你個單位收5G訊號收得好唔好呢？較為實際嘅做法就係可以用手機嘅5G訊號作為參考，如果手機分享wifi比電腦嘅效果係令你滿意嘅話呢，咁其實就可以直接考慮轉用5g寬頻。因為5g寬頻嘅原理呢其實就同你手機分享wifi嘅原理係大同小異嘅啫。一樣呢都係插張sim卡入去，接駁電源，就可以分享wi-fi㗎喇。咁但係如果有啲人就話唔係喎，我而家已經係用緊30M，甚至乎係100m上網嚟嘅，而手機呢亦都試過最多只係可以去到幾十M。咁呢個情況底下呢轉用5g寬頻呢就未必係一個好嘅選擇啦，因為除咗速度未必可以去到咁快之外呢，以中國移動CMHK為例呢，佢嘅5g寬頻計畫呢係會有數據量嘅限制嘅。咁而家上去官網度就睇到呢，用完200GB數據之後呢，速度都係會下降至最高10M。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！