手機plan數據越嚟越多 根本唔使用WiFi？

咁手機plan嘅數據越嚟越多嘅時候，係唔係根本就唔需要用到wi-fi呢？咁可能首先就要講下現時手機plan究竟有幾多數據。從各大網絡商嘅網頁可以見到呢，現時手機嘅數據plan由10GB開始到50GB、100GB、200GB、300GB，甚至乎呢係更多嘅。咁喺呢個時候，Wi-fi係咪失去咗作用？咁其實呢就好視乎你個人嘅上網習慣。譬如你睇片嘅時候，嘅畫質越高呢，用嘅數據其實就會越多嘅。例如你睇youtube高清影片，一個鐘頭可能會用2-3GB數據，但係你睇4k影片嘅話呢睇一個鐘頭，可能就會用超過10GB數據。又或者你經常會用手機數據去下載影片、遊戲、又或者係大型文件嘅話呢，咁又係會用好多數據嘅。咁呢個情況下呢，無論你個手機有幾多GB嘅數據呢，可能都會唔夠用。相反，如果你從來都唔用手機數據睇片、下載啲大型嘅檔案嘅話，平時淨係會瀏覽一啲社交網頁又或者睇下新聞嘅，咁即是你只係得10GB數據又或者係幾GB嘅數據可能都會夠用。咁所以呢如果你係擔心究竟手機plan嘅數據夠唔夠用，又或者返到屋企之後需唔需要轉用wi-fi，咁你可能呢就需要了解返究竟自己本身嘅上網習慣係點樣嘅。如果你嘅上網習慣係冇改變到嘅話呢，你可能就會發現自己手機plan嘅數據每個月嘅用量，其實都係差唔多嘅。咁當你係了解過後，其實就無需要擔心究竟手機plan入面嘅數據夠唔夠用，又或者返到屋企之後需唔需要轉用wi-fi嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！