【家居寬頻Residential Broadband2022】1000M(千兆)最平幾多錢？

家居寬頻1000m最平幾多錢呢？其實好多人都知㗎啦，家居寬頻就好難講話邊一間一定係最平嘅。因為唔同時段、唔同優惠、唔同地址呢，都可以有唔同價錢嘅。譬如係一啲大型屋苑呢，可能只係講緊HK$98一個月、HK$88一個月。咁但係去咗一啲偏遠地區，又或者係村屋、唐樓、離島呢，同樣都係1000M，個價錢係可以去到HK$200、甚至乎係HK$300以上嘅。而有陣時做推廣呢可能會更加誇張，有HK$200幾蚊一個月跌到落去HK$100幾蚊一個月都未定嘅。

咁但係如果你問，有冇啲長期都係睇落去好似好平咁樣嘅呢？咁係有嘅。如果你上中國移動嘅網站呢你就會見到，佢嘅家居寬頻似乎長期呢都係做緊HK$78 1000M一個月嘅。咁有陣時呢仲會有啲特別嘅優惠係可以平過HK$78添嘅。其他網絡商呢，似乎就好少可以長期平過78蚊呢個價錢。不過要留意返呢，HK$78 1000M並唔係所有地址都有嘅。有啲地址係提供唔到光纖上網服務嘅，即係俗稱嘅冇覆蓋。有興趣嘅用家呢係可以上中國移動嘅網站查詢覆蓋。除咗中國移動之外有冇話邊一間係特別平㗎？咁其實早嗰排呢，據報有線寬頻呢係推出過HK$28一個月100m上網，同埋HK$99一個月1000m上網連同有線新聞財經頻道同埋兒童組合嘅。不過名額呢只係得2000個，先到先得嘅。除咗有線寬頻之外呢，你會見到呢其他網絡服務供應商呢，不時都會推出唔同嘅優惠。所以當問1000m最平係幾多錢嘅時候呢？其實最好嘅方法呢，就係同一時間比較多間網絡服務供應商嘅價錢同埋優惠，咁就唔會錯過一啲限時、限定嘅計劃。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！