家居寬頻無合約有咩選擇？

家居寬頻冇合約又或者唔想簽合約嘅情況底下，有啲乜嘢選擇？咁好多人都知㗎啦，無論係家居光纖寬頻還是係家居5G寬頻，大多數呢都係要簽合約嘅，而且通常最少要簽12個月合約嘅。咁呢個情況底下，如果你係想淨係使用短期嘅上網服務嘅話呢，咁其實一市面上係有一啲租用wifi嘅服務嘅。即係以日租或者係月租嘅方式，就係租用5G路由器連埋數據上網服務嘅，即係我哋平時所講嘅wifi蛋。不過就唔係平時旅行用、好細隻、帶得出街嘅路由器。而係體積比較大，要喺室內插電先用到嘅5G路由器。咁呢類形體積比較大嘅5G路由器通常都可以支援同時連接多個智能裝置，而且覆蓋範圍呢都會比旅行用嘅細小wifi蛋係大。咁就比較適合作為短期嘅家居寬頻使用。譬如你上wifi egg 漫遊蛋嘅網站又或者係爽wifi嘅網站呢，就可以見到呢會有類似嘅服務提供。同一時間呢亦都可以睇返佢嘅路由器又或者佢嘅數據上網服務呢係支援幾快嘅速度同埋係支援幾多人同時使用嘅。咁就可以按個人嘅需要選擇適合自己嘅計劃。

不過有一點要注意嘅呢就係，如果你係打算連續租一個比較長時間嘅wifi呢比如係連續十幾日甚至乎係連續幾個月呢，個價錢呢係有機會貴過你安裝光纖寬頻又或者係簽一份光纖寬頻合約嘅價錢嘅。咁呢個時候呢可能就要計一計數，睇下邊一個方案係適合你。如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！