交左HKBN終止服務表格，會唔會有確認通知？

咁交左HKBN終止服務表格之後，會唔會有確認通知嘅？又或者點樣先知道佢係收到我嘅終止服務表格呢？咁首先啦成個終止服務嘅程序呢係可以分為三個步驟。第一個步驟就係提出終止服務申請，要留意係提出嘅啫，即係你打電話、Send email，或者親臨到專門店提出取消服務嘅要求。但係呢，你提出咗就並不代表你即刻就可以終止到服務嘅。

所以呢就要去到我哋第二個步驟啦，你提出咗之後呢，係會收到電郵或者短信，然後係需要登入HKBN指定嘅網址，然後遞交終止服務嘅申請嘅。你唔遞交呢一個申請呢，係終止唔到服務嘅。而當你遞交咗之後呢，你亦都可以打電話上去HKBN即係128 100確認返、核實反你嘅終止服務申請嘅。除咗打電話之外呢，你亦都可以電郵即係email，又或者親臨到門市嗰度查詢嘅。

咁當你確認咗佢係收到你嘅終止服務申請之後呢，就嚟到第三個步驟啦。最後呢佢係會指示你歸還返網絡商嘅設備嘅，例如係你當初簽約嘅時候，佢借畀你嘅數據機啦，又或者係電視機頂盒等等。咁呢一啲呢都係要歸還返俾網絡服務供應商嘅，就並唔係個人所擁有嘅，所以總括嚟講呢如果想終止HKBN服務嘅話呢，基本上係要完成呢三個步驟
先至可以完全中止到個服務嘅。咁好多人呢以為喺電話度口頭上講咗話取消服務，就取消到呢就唔係好現實嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！