WiFi速度不等於上網速度？

點解有人會話wifi速度唔等於上網速度呢？咁係因為我哋通常所講嘅wifi速度呢，其實係指路由器即係router分享出嚟嘅無線網絡，而我哋用手機又或者電腦去連接無線網絡嘅時候呢，其實係可能會因為各種原因呢而係減慢咗你原先擁有嘅上網速度嘅。簡單啲嚟講呢即係用無線上網可能係會慢過你直接用上網線插住部電腦去上網嘅。

咁點解無線上網可能係會慢啲呢？第一，可能你嘅路由器根本就唔支援你嘅上網速度。即係你原先簽約嘅時候，可能係簽咗1000M嘅上網速度嘅。咁但係你嘅路由器只係支援500M嘅上網速度。咁當你用手機又或者電腦連接路由器嘅時候，就自然只係得500M嘅上網速度。

第二呢，就係wifi訊號嘅強弱係會影響你嘅wifi速度嘅。例如你用手機連接wifi嘅時候呢，手機同埋路由器之間嘅距離係好遠嘅。咁個訊號可能就會比較弱，Wifi速度就比較慢。又或者路由器同埋你嘅手機之間呢係有好多阻隔物嘅，咁可能亦都會因為咁呢而係減弱咗你嘅wifi訊號嘅。

第三呢就係你wifi所用嘅頻段有機會比其他智能裝置所干擾嘅。例如你嘅無線滑鼠或者無線鍵盤，都係用2.4Ghz呢個頻段去傳輸訊號嘅。而你嘅路由器又係用2.4Ghz去傳輸訊號嘅話呢，咁就會有機會出現擠塞嘅情況，從而係令到你嘅wifi速度變慢嘅。咁所以當有人問點解wifi速度唔等於你嘅上網速度嘅時候，可能就係講緊你用無線上網呢有機會係會慢啲嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！