Mbps(百萬位每秒)咩意思？一文看清網速！

咁究竟mbps係乜嘢意思呢？咁其實mbps呢經常都會出現喺寬頻速度，又或者係手機上網速度嘅計劃入面嘅。不過mbps所代表嘅係乜嘢呢？其實佢一個量度單位嚟嘅。就好似揸車嘅時候我哋講每小時幾多公里一樣。而mbps呢就係megabits per second，代表嘅係每秒可以傳輸幾多資料嘅數量。除咗mbps之外呢你可能仲會見到kbps，kilobits per second。同埋gbps，gigabits per second。佢哋同樣都係量度單位嚟嘅。

咁我哋今次就主要講mbps啦。咁喺手機上網入面呢，我哋可能會比較常見到21mbps、42mbps、又或者係2mbps等等。而喺家居上網入面我哋經常所講嘅100m、200m、300m，其實都係講緊100mbps、200mbps、300mbps等等。咁講咗咁多數字其實可能會好空泛都唔知道究竟每秒係傳輸咗幾多資料嘅，又或者唔知道平時上網究竟係需要每秒傳輸幾多資料。咁其實就唔難理解嘅，譬如你上網睇Youtube影片、Netflix影片、又或者係Disney +嘅影片呢，以高清解像度即係1080p嘅解像度嚟睇呢，大約係需要5mbps嘅。換言之呢如果你個手機係有21mbps嘅下載速度呢，理論上就足夠同時播放4條youtube高清影片。而100m嘅家居上網，理論上就足夠20部智能裝置同時睇youtube高清影片。

如果大家有任何寬頻上嘅查詢，可以致電2116 4877，或者whatsapp 2116 4877。同時，亦都可以訂閱我嘅頻道，我哋下集再同大家分享其他資訊，拜拜！