HKT 1000M，WiFi測試得200幾M是否正常呢？

咁當你簽約咗1000m上網嘅時候，但係你wi-fi測試得二百幾M咁又係唔係正常呢？其實呢個問題呢就好視乎你係點樣去測試個速度。比較準確嘅做法呢就係，直接將數據機，即係我哋所講嘅modem用上網線連接電腦，然後去一啲測速網站好似speedtest.net網站進行速度測試。測試嘅過程呢係唔會經過路由器，即係我哋所講嘅router嘅。因為其實好多人測試速度嘅時候呢，都係會用無線wi-fi連接router進行測試。咁如果你個router根本就唔支援1000m嘅話呢，你嘅上網速度慢呢，係非常之正常嘅。個原理呢就好似水管同埋水龍頭一樣，你個水管粗，但係你個水龍頭出水位細呢，你個出水量一樣都係細嘅啫。所以為咗增加測試嘅準確性呢，就可以嘗試唔好用無線wi-fi測試，而係直接用實體嘅上網線測試。如果你用呢個方法測試出嚟呢，個速度都係慢嘅話呢，其實就可以聯絡網絡服務供應商安排上門檢查㗎喇。因為如果唔係你嘅路由器有問題、唔係你既上網線有問題、唔係你嘅電腦有問題，咁站喺用家嘅角度嚟講呢，其實都冇乜嘢可以做㗎喇。不過，如果你係用wi-fi測試嘅時候發現速度慢，但係直接連接modem嘅時候，速度又正常呢，咁其實就好有可能係你嘅router出現問題、又或者係你嘅router根本就唔支援1000mb上網。咁呢個時候呢，通常換個新嘅router呢就解決到問題㗎喇。買之前呢最好亦都確定清楚路由器係支援1000m上網嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！