手機上網4G轉用5G用量會增加幾多？

咁首先呢4g轉用5g呢，即係代表上網速度快咗喇。咁上網速度快咗係咪就代表數據用量會多咗呢？其實就未必一定係嘅。如果我嘅上網習慣係冇改變到嘅話，即係我用緊4g嘅時候，每一日呢係會睇一個鐘頭高清嘅youtube影片嘅。而當轉用5g嘅時候我依然係每一日睇一個鐘頭高清嘅youtube影片。咁呢個情況下呢，理論上就唔會話用多咗數據。

咁但係你話唔係喎，我用4g嘅時候呢，基本上就唔鍾意睇影片嘅，因為速度會比較慢。咁但係轉咗用5g速度比較快，可以睇到4k嘅影片呀，咁呢一個情況下數據用量就會更多啦，因為睇4k影片或者一啲超高畫質嘅影片，係會消耗好多嘅數據。咁上網就見到呢睇一個鐘頭嘅4k影片，大概就會係消耗6GB或以上嘅數據量嘅。咁如果你嘅上網計劃只係得20 GB嘅數據量嘅話，你睇一個鐘頭嘅4k影片呢，就可能已經冇咗三分之一嘅數據量。所以當問4g轉用5g數據用量會增加幾多嘅時候呢，其實就好視乎你嘅上網習慣有冇改變到嘅。因為用5g上網速度快咗嘅時候呢，可能某啲人就會覺得速度快咗，意味著下載嘅時間少咗，變相呢我用相同嘅時間可以做到更加多嘢、下載更加多嘅文件同埋應用程式。咁呢一個情況下數據量呢就自然就會用多咗喇。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其享資訊，拜拜！