5G第5代移動通訊技術速度可靠嗎？即係有幾快？

5G速度可唔可靠呢，又或者5G即係有幾快呢？其實而家上網見到呢手機5G上網plan呢好多都係冇標示速度嘅。即係唔知道5G速度究竟有幾快，又或者係5G快過4G幾多呢？因為見到呢而家反而係4G嘅限速plan呢係會標示最高下載速度。例如會係講到明4G最高呢淨係得42mbps下載速度嘅啫，又或者係21mbps，又或者係其他下載速度。咁但係5G呢就見唔到究竟係有幾快嘅下載速度嘅。

不過就現時嚟睇呢根據speedtest.net 2022年第一季度5G速度中位數嘅統計呢，CMHK、3HK、Smartone同埋CSL呢都有100mbps或以上嘅速度嘅。其中最快嘅係CMHK就有172.19mbps。第二就係3HK有155.81mbps。第三就係smartone有145.2mbps。第四就係CSL有116.8mbps。呢個時候可能就會有人問啦，如果見到咁多間網絡服務供應商嘅5G速度都有100mbps以上喎，咁係唔係就代表好可靠呢？咁喺現實使用上，相信都好難有人保證到你一定有100mbps或以上嘅速度。因為大家都知手機上網係無線上網嚟㗎。你嘅上網速度呢係會受多個因素影響，例如係同一時段嘅使用人數、手機同埋發射站之間嘅距離、又或者有冇其他訊號干擾等等都係可以影響到你嘅5g速度嘅。所以比較實際嘅做法呢，就係可以喺簽約之前問一問你嘅同事或者係朋友，睇下喺你經常會用到手機上網嘅地方嘅體驗好唔好，然後再去作出決定嘅。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！