2.4Ghz係咩意思？路由器Router點樣set？

咁究竟2.4Ghz係乜嘢意思？咁好多人呢喺買路由器即係router嘅時候呢，都會見到好多英文字同埋數字。咁其中一個數字呢，就係2.4Ghz。咁而家較為新嘅router呢，除咗2.4Ghz之外呢，你應該仲會見到5Ghz呢一組字嘅。咁但係我哋今日呢就集中講下2.4Ghz。咁首先，路由器上面寫住嘅2.4Ghz係指嗰個路由器所用嘅頻段。咁頻段係指電磁波嘅頻率範圍。咁乜嘢係頻率範圍呢？你可以理解為呢我哋嘅手機無線電通訊、電台廣播、電視廣播等等，都會用一個頻率範圍去接收或者係發出訊號嘅。而2.4Ghz同埋5Ghz呢就係路由器所用嘅頻率範圍。咁2.4Ghz有啲乜嘢特點呢？相比起5Ghz呢，2.4Ghz係可以提供到較大嘅覆蓋範圍。但係同時，佢嘅傳輸速度呢係會較慢嘅。而且有唔少無線產品，好似電腦無線滑鼠咁樣，都有機會係使用2.4Ghz呢個頻段嘅。咁就有機會導致2.4Ghz呢一個頻段呢有機會出現「擠擁」嘅情況，從而可能會影響到你嘅連線情況，或者係你嘅上網速度嘅。咁所以而家好多人路由器連線嘅時候呢，都會優先選擇5Ghz呢個頻段，而唔再係2.4Ghz呢個頻段㗎。咁呢個時候呢可能就會有人問，咁喺路由器度點樣調教呢個頻段嘅設置嘅呢？咁就視乎唔同牌子、唔同型號嘅路由器，不過現時新出大多數嘅路由器都可以喺設置路由器嘅時候一齊設置賣埋頻段嘅。咁有啲仲可以分開唔同嘅頻道去畀唔同類型嘅智能裝置使用，咁就可以進一步避免「擠塞」嘅情況啦。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！