1000m寬頻速度仍然好慢?

1000m寬頻速度仍然好慢?

咁點解有人會覺得1000m寬頻速度仍然係好慢呢?咁首先可能第一步要做嘅呢就係確認你係唔係真係有1000m寬頻速度。因為有好多人呢簽約嘅時候,的確係簽咗1000m寬頻上網計劃。咁但係佢哋用咗唔支援1000m寬頻速度嘅路由器之後呢,可能就會淨返200m甚至乎100m嘅寬頻速度喎。咁呢個時候呢佢哋上網呢就會覺得好慢呀,因為佢哋根本就用唔到1000m嘅上網速度。咁如果係呢一種情況呢解決方法呢都非常之簡單嘅啫,就係可以買一個較為新款嘅路由器係支援到1000m寬頻速度。

 

咁但係你話唔係喎如果我係用測速網站測試到我係有接近1000m寬頻速度嘅。咁但係點解依然覺得係好慢呢?咁呢個時候呢就嚟到我哋嘅第二步,就係可以檢查一下會唔會有智能裝置係攤分咗你嘅網速呢。咁我哋所講嘅智能裝置呢其實就唔淨止係講緊電腦同埋電話嘅。如果你屋企係有寵物攝影機、防盜鏡頭、無線打印機、智能雪櫃、智能燈泡、智能電視、電視機頂盒、甚至乎係無線藍牙播放器等等,都有機會係需要上網,從而係攤分咗你嘅寬頻速度嘅。同時當你上網嘅時候,會唔會係有其他人用緊其他智能裝置上網,從而係攤分咗網速呢。因為到今時今日呢,實在有太多智能裝置係需要上網先至用到,咁但係久而久之呢我哋又係會忽略咗呢一啲裝置。到我哋真係需要好快嘅寬頻速度嘅時候呢,就會覺得好慢。咁所以如果你係用緊1000m寬頻速度,但係依然覺得好慢嘅話呢,可以不妨嘗試停用一啲會佔用大量網速嘅智能裝置,再去嘗試一下睇下係唔係仲係覺得好慢。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話