點先知自己果度5G收唔收到？

點先知自己果度5g收唔收到？主要方法呢就有三個，咁當中個人認為最實際嘅方法就係問下有冇朋友現時係用緊5G網絡。有嘅話呢可以嘗試邀請你嘅朋友去你地方親身測試一下收得好唔好、速度快唔快、上網穩唔穩定。如果各方面都令你滿意嘅話呢，就可以簽約同佢一模一樣嘅網絡服務供應商同埋上網計劃。 如果冇朋友係用緊唔知網絡嘅話呢，亦都可以嘗試致電網絡服務供應商查詢5g覆蓋。咁你只要話畀佢聽你經常使用5g上網區域係邊一度，咁佢應該就可以幫你查詢到5g訊號覆蓋嘅強弱。不過你話呢個方法係咪100%準確呢，我諗就連網絡商都答你唔到。因為大家都知啦，手機係靠無線接收訊號上網嘅，佢發出嘅訊號強就唔代表我實際上使用嘅體驗係好嘅。因為你實際上嘅體驗，其實係受到好多因素影響，例如你附近突然之間多咗好多人用5g上網，咁就可能會令到你上網慢咗。又或者你經常使用5g上網嘅地方同個信號㙮之間係有好多阻隔物嘅，咁就可能會影響到你實際上嘅接收啦。咁除咗打電話問5G覆蓋之外，其實上網絡商官方網站呢，都可以粗略睇到5g覆蓋嘅情況嘅。咁現時為止某啲網絡商係一啲郊野公園呀或者係離島呀，都見到呢係冇5g覆蓋嘅。咁但係如果你話係講緊市區呀，又或者係一啲繁忙嘅地區呀，咁基本上都會有覆蓋。

如果大家有任何寬頻上嘅查詢，可以致電2121 1544，或者whatsapp 2121 1544。同時亦都可以訂閱我哋嘅頻道，我哋下次再同大家分享其他資訊，拜拜！