點先用到10G(千兆)寬頻broadband？

咁點先用到10G寬頻？咁好多人都唔知道原來有10G寬頻，又或者10G寬頻究竟有幾快嘅。咁你可以理解為呢10G寬頻，即係我哋而家1000M光纖入屋嘅十倍速度，就係10G寬頻。例如你而家從網上行嘅網頁見到呢，佢都有提供10G光纖入屋寬頻服務嘅。不過亦都有講到呢如果要用到10G寬頻嘅話呢，對用家設備嘅需求其實係相當之高。咁乜嘢係用家設備呢？即係你嘅電腦包括作業系統、處理器、系統記憶體、硬碟、連接埠都要達到一定嘅要求，先至可以享受到10G寬頻嘅速度嘅。除此之外，亦都要注意你嘅上網線究竟係唔係支援到10G嘅上網速度啦。又或者如果你係用無線上網嘅話，你嘅wi-fi路由器究竟係支唔支援到10G嘅上網速度呢。因為只要其中有一樣嘢係唔支援10G上網速度嘅話呢，你最後都係享受唔到10G寬頻嘅速度嘅。

咁呢個時候可能就會有人問，係唔係因為咁高要求所以就冇乜人用呢？點解好似聽唔到有好多人用10G寬頻咁樣呢？咁因為喺香港呢並唔係所有地址呢，都可以裝到10G光纖寬頻嘅。而且對於大部分人嚟講呢，可能根本就冇裝10G寬頻嘅需要。好多人可能覺得1000m、500m、300m、甚至乎100m呢，都已經係好夠用啦。

咁係乜嘢情況底下會需要用到10G寬頻呢？較為常見嘅原因可能係有兩個嘅。第一就係你有工作需要，可能你喺屋企做嘢係需要好高嘅下載速度同埋上載速度嘅。第二呢就係你屋企好大，咁有好多人或者有好多家人同時會用上網嘅。咁每人如果都係需要用到幾百M，速度嘅話呢咁加埋可能就真係需要10G寬頻。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！