頻寬(bandwidth)係點解？

咁頻寬係乜嘢意思又或者頻寬係點樣解呢？咁我哋最為常見見到頻寬呢兩隻字呢，應該就係當你需要上網服務嘅時候呢就會同你講，有1000m頻寬或者係甚至乎10G頻寬。咁究竟係乜嘢意思呢？我哋平時所講嘅Mbps譬如係100m、500m、1000M，其實係講緊megabits per second。意思即係每秒可以傳輸資料嘅數量。咁個數值越大呢就代表每秒可以傳輸資料嘅數量呢就越多。咁一般家居上網比較多人關心，就係下載頻寬，同埋上載頻寬究竟有幾多。下載頻寬呢就係當你平時上網睇一啲串流影片、瀏覽社交網頁、下載應用程式、遊戲等等所需要嘅頻寬。上載頻寬呢，就係當你需要上載影片去到互聯網、發佈圖片、訊息去到社交網頁等等所需要嘅頻寬嚟嘅。咁好多人睇網速嘅時候呢，其實都會比較注重下載嘅頻寬有幾多嘅。原因好簡單因為可能我哋大多數時候呢，都係會從互聯網下載資料去到個人電腦度嘅。相反，一般人應該就好少會上載一啲大型檔案去到互聯網。所以上載頻寬一對於大部分人嚟講呢應該就冇下載頻寬重要。咁呢個時候呢可能就會有人問啦，乜下載頻寬同上載頻寬唔係應該一樣㗎咩？咁相信喺大多數情況底下呢，呢兩個數字呢應該都係唔會完全一模一樣嘅。咁有興趣嘅朋友呢可以自己上speedtest.net自行測試一下自己屋企嘅上載頻寬同埋下載頻寬究竟有幾多。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！