電腦加速Computer speed up等於上網快？

電腦加速係唔係就等於上網快呢？咁首先就講下乜嘢係電腦加速先，我地通常講電腦加速就係講緊用一啲軟件又或者進行一啲電腦系統嘅操作去增加電腦嘅處理能力嘅，譬如可能會用一啲電腦嘅清理軟件，又或者係更新你嘅電腦系統。咁但係其實呢一啲方法呢，無論係點樣加速其實都唔會超過你電腦硬件所賦予嘅極限嘅。

而你嘅電腦加速又關唔關你嘅上網速度事呢？咁其實呢基本上你電腦硬件嘅速度呢，同你寬頻上網嘅速度呢，係兩回事嚟㗎。無論你部電腦係點樣加速都好，換埋一啲好勁嘅硬件都好，理論上都唔會令到你嘅上網速度變快。不過的而且確有啲情況底下你部電腦慢，會令你誤以為係你嘅上網慢。例如係我哋上網開咗好多個電腦瀏覽器嘅分頁，而電腦記憶體唔夠嘅情況底下呢，可能會出現窒機或者要等好耐先至瀏覽到網頁嘅情況。咁呢個時候呢可能就會令到用家覺得，係佢嘅上網速度唔夠快。咁但係事實上呢可能係因為佢嘅記憶體唔夠，導致到佢覺得慢嘅。

咁最後無論你係想加快你嘅電腦速度又好，還是係想加快你嘅上網速度都好，比較實際嘅方法呢可能就要更換電腦或者係升級你嘅上網服務計劃。因為即使你係優化咗你嘅系統或者係電腦設定呢，其實所謂嘅加速都係非常之有限嘅啫。你可以試想一下，如果加速嘅效果真係咁顯著嘅話，又點會有咁多人買部咁貴嘅電腦或者係簽約一個咁高速嘅上網服務計劃呢？

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！