網速表現測試(Internet Performance Speed Test)好簡單！(2022年更新)

咁好多人因為不同原因都會想進行網速表現測試。咁有啲人可能係因為好奇，所以想睇下自己嘅網速表現。咁亦都有啲人呢可能係因為突然間感覺上上網慢咗喎，想睇下係唔係關個網速事。咁無論係乜嘢原因都好，其實而家我哋想進行網速表現測試，係非常之簡單嘅啫。只需要去到一啲網速表現測試嘅網站呢，撳個掣呢就即刻可以測試到網速㗎。咁今次呢就主要介紹兩個網站，咁第一個呢就係由通訊辦提供嘅寬頻表現測試服務。用家只係需要去到speedtest.ofca.gov.hk就可以即刻進行測試。咁第二個呢就係speedtest.net。同樣喺進入咗網站之後呢，就可以即刻進行測試。

咁好多人就會問，我測試完之後點樣先知道我嘅網速係快定係慢？咁第一樣嘢呢就可以同你本身簽約計劃嘅速度進行比較。即係譬如你當初可能簽約嘅時候，係畀咗可能98蚊一個月，咁就有1000m嘅上網速度啦。咁你測試完速度之後就可以睇返下載Download嘅嗰一欄嘅呢，有冇接近1000M嘅速度。咁有呀固然之係好啦。如果冇接近1000M，可能只係得500M、300M、甚至乎100M，咁係唔係就代表係網絡商出現咗問題呢？咁其實就唔一定嘅。譬如如果你係用wi-fi嘅話，你嘅路由器究竟支唔支援到1000m嘅上網速度，又或者你測試用嘅電腦，硬件上面，又係唔係支援到1000m嘅上網速度呢？呢一啲其實都係會影響到網速表現測試嘅因素嚟。咁第二樣呢就係可以同全港平均網速進行比較嘅。咁speedtest.net喺網上面係有公開到香港平均寬頻速度究竟係有幾快。咁從2022年3月嘅數據可以見到呢，香港平均大概係有256M嘅速度。如果你嘅下載速度呢係多過256M嘅話呢，其實就已經係多過香港大部分人嘅喇。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！