窒機、Lag機咩意思？點樣避免？

咁我哋成日講窒機或者係lag機究竟係乜嘢意思呢？咁通常呢都有兩個意思。第一，就係你嘅電腦硬件上嘅性能不足，導致窒機或者係lag機。第二，就係你嘅網速唔夠，可能係你嘅下載速度唔夠，又或者係你嘅延遲過高所以導致lag機或者窒機。

咁我哋首先就講下電腦硬件上嘅窒機或者係lag機係乜嘢意思呢？點解會造成窒機或者lag機同埋點樣去避免呢？常見嘅呢就係我哋平時打開電腦上面嘅瀏覽器，開咗好多個分頁，咁可能呢就會令到記憶體不足，即係我哋所講嘅ram唔夠，咁就會導致到窒機或者係lag機喇。即係你嘅畫面視窗呢，可能會定格。喐動你嘅鼠標嘅時候呢，可能會唔暢順呀、冇反應、甚至乎呢瀏覽器係會自動關閉。又或者你需要執行某一啲應用程式嘅時候呢，可能你嘅電腦嘅處理器即係cpu，又或者係圖像處理能力即係gpu性能不足，導致窒機或者係lag機。咁呢個時候呢，你嘅畫面呢可能同樣都係會出現定格、唔暢順嘅情況。咁呢一種情況呢，都可以叫做窒機或者lag機嘅。最明顯嘅就係當你開咗好多分頁，又或者執行某一類應用程式嘅時候，出現窒機或者係lag機。你就知道係因為電腦嘅硬件性能不足，導致到窒機或者lag機。而解決方法亦都好簡單，就係換一部比較高性能嘅電腦啦，又或者係避免執行一啲需要高要求嘅應用程式。

而網速唔夠導致嘅lag機或者窒機呢就相對嚟講比較簡單啦，常見嘅可能係如果你仲用緊電話線上網，最高只係得6mbps下載速度嘅話呢，咁你睇片又或者係打機嘅時候呢，就可能會因為網速唔夠而導致窒機或者係lag機。即係你睇片嘅時候呢，可能會經常需要緩衝嘅情況啦。可能你每睇幾秒嘅影片呢就需要等一等先至可以繼續睇落去。咁打機亦都一樣，可能你每打幾秒嘅機呢，需要等一等先可以繼續打落去。解決方法啦亦都比較簡單，可以轉用光纖寬頻，又或者加裝5g家居寬頻。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！