租樓有乜嘢方法上網呢？

咁其實一般呢就分為兩類嘅，
咁你見到啦無論係CMHK，還是係SMARTONE，
佢嘅家居寬頻呢都有分兩款，
第一款呢就係光纖寬頻，
第二款就係5G家居寬頻。
如果係租樓嘅話呢咁就可以選擇光纖寬頻入面嘅短合約
即係12個月嘅合約啦，甚至乎係每月計嘅合約。
咁短合約有乜嘢好處呢，
就係個自由度比較大。
可以配合返嚟租樓嘅嗰一份合約，
避免出現你租樓嘅過一份合約到期，
但係你個寬頻合約呢就未到期嘅情況。
不過要留意番短合約呢就未必係每一間網絡服務供應商都提供，
而且未必係每一個區域每一個地方都有
再加上短合約通常個月費呢都係會比長合約貴。
即係同一個計劃，同一個上網速度，
短合約係會貴過長合約嘅。
咁呢一樣嘢其實應該都唔算出奇㗎啦，因為你手機上網呢其實都係一樣嘅。
合約月短呢優惠通常越少，價錢越貴。
咁講到第二種嘅上網方法即係5G家居寬頻呢，
其實就即係插張sim卡落個路由器度然後分享wi-fi，
sim卡同埋路由器呢係可以一齊購買，
亦都可以分開購買，
一齊購買就即係跟網絡商計劃，
即係一個價錢咁就包括Sim卡入面嘅數據服務同埋係路由器嘅。
分開購買呢其實就係自己購買路由器再簽約網絡商嘅上網服務計劃，
不過要留意返呢5G家居寬頻因為係無線接收上網嘅關係呢，
喺速度同埋穩定性上咩都未必有光纖寬頻好嘅。
如果大家有任何寬頻上嘅查詢，
可以致電2121 1544，
或者whatsapp 2121 1544。
同時，亦都可以訂閱我嘅頻道，
我哋下集再同大家分享，
其他資訊，拜拜！