無線上網WiFi連線成功無法上網係咩原因?

無線上網WiFi連線成功無法上網係咩原因?

點解明明wifi顯示連線成功,但係都係上唔到網㗎呢?首先第一步呢最好就係排除咗網絡商提供嘅線路出現問題嘅可能性先。咁排除嘅方法好簡單,只係需要用上網線連接你嘅數據機同埋你嘅電腦,再睇下上唔上到網。如果都係上唔到網嘅話呢,咁可能係你嘅數據機出現問題,就要打畀你嘅網絡服務供應商聯絡維修喇。咁但係如果你話唔係喎,不用上網線連接電腦係上到網,但係一經過路由器用無線wifi上網,就上唔到網啦。咁呢個時候呢就好可能係你嘅路由器出現問題。

 

如果你係一直用開wifi上網都相安無事,但係突然之間有一日就上唔到網。呢個時候呢上網好多人就會教你不同嘅方法例如係重啟你嘅路由器、檢查你嘅上網線有冇鬆脫、睇下wifi有冇受到干擾、試下用唔同電腦連線睇下會唔會係個別電腦嘅問題、又或者係重置路由器設定等等。咁呢啲方法如果係可以幫到你成功上網嘅話咁固然之係好啦,不過好多時候,如果呢啲方法都唔可行嘅話,可能就係你嘅路由器零件出現問題,需要更換。咁好多人都以為呢路由器買咗返嚟就可以一勞永逸,以後都唔使換啦。咁但係其實事實上呢路由器同其他電器一樣呢,都係有壽命嘅,就正如你屋企嘅電視、電熱水爐,用幾年就可能開始會出現問題。而路由器可能係24小時運作嘅,咁用咗幾年開始出現問題,其實一啲都唔出奇嘅。咁再加上可能有啲不知名嘅品牌推出一啲粗製濫造嘅路由器,咁嗰啲路由器嘅壽命可能係更加短都未定嘅。

 

如果大家有任何寬頻上嘅查詢,可以致電2121 1544,或者whatsapp 2121 1544。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話

 

【逆市之選】HK$78或以下寬頻計劃
【多人選擇】HK$79-120寬頻計劃
【至尊享受】HK$121或以上寬頻計劃