流動數據Mobile Data要注意的三樣事項！

咁今日我哋就講下流動數據要注意嘅三樣事項。可能好多人都會叫你留意數據嘅使用量嘅，咁但係就好少講到究竟具體要注意嘅係乜嘢。咁所以跟住落嚟呢我哋就講一講三個大家可能經常會遇到嘅情況，而且係需要特別注意。

第一樣呢就係可能好多人都遇到過㗎，就係唔知點解啲數據消耗得咁快。咁通訊辦呢都有講到㗎，只要係透過流動網絡連接互聯網呢，都會使用流動數據嘅。咁簡單嚟講呢即係你一上網，就會用到數據㗎啦。不過好多人都會以為呢，只要我唔掂部電話，咁咪唔會用到流動數據囉。咁但係事實上呢好多時候呢，即使你唔係主動去用流動數據呢，佢都會自動消耗。例如你電話設定入面係有自動更新嘅功能啦，咁自動更新呢係需要連接互聯網先可以更新到。咁呢個時候呢，就會用咗你嘅流動數據。又或者人哋傳送一啲影片畀你，你嘅設定入面呢又係較咗自動下載。咁呢個時候呢，又係會用咗流動數據嘅。

第二樣要注意嘅呢，就係網上所講嘅數據用量同你實際嘅使用量呢，可以有好大差異嘅。即係譬如你喺網上見到，可能話睇一個鐘頭高清影片呢就會用咗3GB流動數據量。咁但係點解當你睇一個鐘頭高清影片嘅時候就會用多過3GB數據？咁有陣時可能你冇留意到你睇影片嘅畫質，咁個應用程式自動幫你調高咗個畫質喎。而畫質越高呢所用嘅數據量嘅又係會越多嘅。咁呢個時候呢就可能唔單止係會用3GB嘅流動數據量，可能會高達10GB甚至乎20GB嘅流動數據量嘅。

第三樣要注意嘅就係流動數據量嘅重要性。咁好多人都會覺得呢上網最緊要就係速度快，咁但係喺現時嘅手機上網電話計劃入面呢，數據量同埋速度呢同樣都係咁重要嘅。現時呢有好多限速plan，即係當你用完數據量之後呢速度就會下降啦。咁如果你係唔想你嘅上網速度下降得咁快嘅話呢，選擇計劃嘅時候呢，最好就選擇一個適合自己數據用量嘅上網計劃。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！