寬頻/手機Broadband/Mobile計劃連Netflix(網飛)免費睇？

寬頻上網連埋一啲串流影音平台嘅訂閱呢，相信大家都唔陌生㗎啦。例如香港寬頻嘅上網計劃呢係可以連埋Disney Plus或者係Netflix一齊簽約購買嘅。又或者HGC同埋ICABLE嘅寬頻上網計劃係可以包括埋mytv gold。有陣時呢喺網絡商做緊優惠嘅情況底下呢，呢一啲串流影音平台訂閱呢變相係等於免費。例如據報早前香港寬頻就有做800M連埋Netflix嘅優惠每個月呢只係需要HK$139。如果原先你嘅寬頻計劃已經係畀緊HK$139以上嘅價錢嘅話呢，呢一個優惠就唔單止可以令你嘅寬頻上網計畫更加平仲會送埋Netflix訂閱㖭嘅，咁就可以話係變相免費睇Netflix。

咁除咗寬頻計劃會包埋Netflix之外，而家見到手機上網計劃呢都有包括埋串流影音平台Netflix嘅訂閱嘅。例如係CSL 5G服務計劃就可以以HK$358嘅月費價錢享用5G上網服務包括50GB本地數據、Netflix嘅基本計劃、同埋Now e基本組合嘅。咁如果原先你已經係睇緊Now e又或者係睇緊Netflix，而又同時係用緊5G嘅上網計劃呢，咁呢一個計劃呢可能就非常之適合你啦。不過有一點要注意㗎呢就係，用行動數據去睇影片呢，係會消耗較多嘅數據嘅。而且睇影片嘅畫質越高呢，消耗嘅數據量呢亦都會越多嘅。所以用手機上網睇影片呢，最好就確保你係有充足嘅數據量。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！