【中國移動】CMHK 5G第5代移動家居寬頻的評價如何?

究竟CMHK嘅5G家居寬頻好唔好用，又或者同其他台嘅5G家居寬頻比嘅時候，有啲乜嘢優勢呢？如果將CMHK、3HK同埋Smartone嘅5G家居寬頻進行比較嘅話呢，咁你就會發現呢CMHK嘅5G家居寬頻呢係價錢上係最平。只係需要HK$128一個月，而Smartone同埋3HK都需要HK$148一個月。雖然每個月只係相差HK$20啦，不過如果你係簽24個月合約嘅話，總共係會相差HK$480嘅。

除咗價錢上呢，CMHK喺5G速度上面其實都非常之具競爭力。咁根據Speedtest.net 5G速度中位數2022年第一季度嘅統計呢，CMHK亦都係最快，有172.19Mbps。而第二就係3HK，有155.81Mbps。第三就係Smartone，有145.2Mbps。咁講咗咁耐喇CMHK嘅5G寬頻又平又快，咁係咪就係代表一啲唔好處都冇呢？

咁當你比較三間5G寬頻嘅時候呢，你亦都會發現CMHK係唯一一間係用完數據量之後呢，速度係會下跌至10mbps (megabits per second)。咁呢一點對於會使用大量數據，譬如係經常睇一啲串流影片嘅人士嚟講呢，200GB數據喇可能就會好快用完喇。不過，如果你平時嘅上網習慣呢根本就唔會用好多數據嘅，每個月呢亦都唔會超過200GB數據嘅，咁喺呢一個情況底下呢，會唔會限速又或者速度會唔會下跌呢，其實對於你嚟講喇就應該冇太大分別嘅啫。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我地嘅頻道，我哋下集再同大家分享其他資訊，拜拜！