【隨身無線路由器】Pocket WiFi 有咩選擇？

咁究竟pocket wifi，又或者我哋所講嘅隨身無線路由器，有乜嘢選擇呢？咁喺講有咩選擇之前呢就首先簡單講下乜嘢係pocket wifi。咁顧名思義其實就即係一個可以隨身攜帶、提供上網嘅一個裝置嚟嘅。咁佢嘅原理呢其實好簡單，大家都應該好熟識㗎。就同你手機分享上網一樣，你只要將sim卡插入pocket wifi度呢，就可以分享無線wifi上網㗎啦。咁當然你買pocket wifi呢，通常只係買部裝置本身嘅啫，而Sim卡同埋數據服務計劃呢係另外需要簽約購買嘅。

咁今日我哋就主要講下pocket wifi有咩選擇喇，咁其實呢係可以主要分為兩類。第一類，就係4g嘅pocket wifi。第二類，就係5g嘅pocket wifi。咁喺價錢上呢4g嘅pocket wifi同5g嘅pocket wifi啦係可以相差好遠嘅。4g可能係講緊HK$1000-2000嘅價錢，而5g通常可能都係要HK$3000或以上先有得選擇㗎。咁喺功能上面呢，5g嘅pocket wifi呢一般都係支援更快嘅速度啦、支援更加多嘅裝置同時使用喇、又或者外觀設計上可能會更加人性化、有更加好嘅上網體驗等等。不過喺選擇方面，可能4g pocket wifi呢就有更加多嘅選擇啦，好似tp-link咁，一個牌子就已經會出好多款4g嘅pocket wifi。咁就視乎用家需要，有啲可能係速度快啲，有啲可能係電量多啲。而5G嘅pocket wifi嘅選擇似符就並唔多啦，比較出名嘅可能係Netgear MR5200啦，又或者係Linksys FGHSAX1800 5G mobile hotspot。

如果大家有任何寬頻上嘅查詢，可以致電2121 1544，或者whatsapp 2121 1544。同時，亦都可以訂閱我嘅頻道，我哋下集再同大家分享其他資訊，拜拜！