點解要光纖入屋?光纖入屋意思?

點解要光纖入屋?光纖入屋意思?

咁點解一定要用光纖入屋?光纖入屋係乜嘢意思呢?光纖入屋嘅意思呢其實即係由網絡商嘅電訊機樓,一路鋪設光纖去到你屋企,全程都係用光纖傳輸訊號嘅,就係叫做FTTH光纖入屋。可能就會有人問啦,點解要揀光纖入屋呢?乜唔係香港全部單位都係用緊光纖入屋㗎咩?咁其實就唔係嘅。根據通訊辦公佈嘅數字,截至2021年12月光纖到戶即係光纖入屋啦,其實只係佔咗62.1%嘅啫換言之呢香港大概係有3至4成人呢,唔係用緊光纖入屋嘅。咁佢哋係用緊乜嘢呢?通訊辦有進一步公佈光纖到樓滲透率係18.9%。咁乜嘢係FTTB光纖到樓呢?同光纖入屋有啲乜嘢分別呢?其實呢FTTB光纖到樓呢,即係講緊由網絡商嘅電訊機樓到你屋企嘅大廈呢都係由光纖鋪設嘅。不過,由大廈機房去到你屋企單位入面嘅呢一段路程呢,就並唔係用光纖嘅,而係用傳統銅線傳輸訊號嘅。銅線相比起光纖呢,銅線喺傳輸訊號嘅時候產生嘅干擾呢可能會較多,傳輸速度上面呢,亦都未必比光纖好嘅。咁所以係有得選擇嘅情況底下呢,大多數人呢可能都會選擇光纖入屋而唔係光纖到大廈或者我哋所講嘅光纖到樓喇。

 

咁講到呢一度呢心水清嘅朋友呢可能就會計一計數,點解光纖入屋同埋光纖到樓嘅數字加埋都只係得八成左右呢?咁相信剩低嘅住戶呢就係冇安裝、冇光纖入屋、或者係冇光纖到樓嘅住戶啦。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話