電腦慢係咩原因?上網慢?

電腦慢係咩原因?上網慢?

咁究竟電腦慢係咩原因造成嘅呢?關唔關上網事呢?咁其實電腦慢呢,可以分為三種嘅。第一,就係你嘅電腦硬件性能不足,導致你部電腦慢。第二,就係你部電腦入面嘅軟件令到你部電腦慢,例如係你部電腦中咗毒,所以拖慢咗你部電腦。第三,就係明明係你嘅上網慢,但係你就誤以為係你部電腦慢。

 

咁我哋首先就講電腦硬件性能嘅問題先,咁呢一點呢其實就好簡單嘅啫。大家都知道一分錢一分貨,電腦越貴呢通常性能嘅都係會越好嘅。咁你部電腦嘅價錢越貴,所用嘅處理器、記憶體、圖像處理器等等通常都係會越靚嘅。咁你部電腦嘅性能越好呢就自然可以執行一啲需要高要求嘅應用程式。相反,如果你部電腦硬件嘅性能唔夠嘅話呢,當你執行某一啲程序呢就會覺得電腦慢。第二就係通常你部電腦入面某一啲軟件令到你部電腦慢。就係你可能係上網下載咗一啲不知名嘅應用程式,例如係影片播放器啦、假嘅掃毒程式、又或者係假嘅PDF讀取器等等,咁都有機會係會令到你部電腦中毒,從而係拖慢咗你部電腦嘅。解決方法呢通常都係要將你部電腦重置成原廠設定,咁就可以徹底清除你下載過嘅應用程式。而第三種呢就係上網慢,咁就唔關你部電腦嘅硬件又或者係軟件事嘅。咁通常呢可能係你嘅路由器出現咗問題啦,又或者係畀人攤分咗網速,令到你使用電腦嘅時候呢覺得你部電腦慢。咁實際上可能你只係需要更換你嘅路由器啦,又或者係升級你嘅上網服務計劃,就可以解決到問題㗎。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話