用緊100M想升級1000M需唔需攪好多野?

用緊100M想升級1000M需唔需攪好多野?

咁用緊100m想升級1000m,需唔需要搞好多嘢呢?咁如果係想成功享受到1000M嘅上網速度呢,其實最主要呢都係確保三樣嘢嘅啫。第一,就當然就係升級你而家現有嘅上網服務計劃啦。咁你想升級到1000m其實你都要確保你嘅單位佢係提供到1000M畀你先。因為而家香港其實就唔係每一個單位都提供到1000M上網嘅。有啲單位可能只係提供到最高500M,或者係800M嘅服務。咁想升級之前最好就check清楚究竟係唔係可以升到級,又或者需唔需要重新拉過條寬頻線或者係光纖線,有冇技術上嘅問題,呢一啲都係要問清楚師傅嘅。第二樣嘢要留意嘅呢就係你嘅路由器啦,因為支援到100m上網嘅路由器呢,就未必支援到1000m嘅。如果你嘅路由器最多只係可以分享到100m wi-fi嘅速度嘅話呢,咁即使你升級咗做1000M嘅上網計劃呢,你嘅上網速度呢都只係得100M嘅啫。所以如果係需要更換router嘅話呢,最好事先呢就做定功課,搵到啱心水嘅router,預備好資金。咁升級完呢就可以即刻更換router。第三樣嘢亦都係比較多人忽略嘅呢就係你嘅電腦究竟支唔支援1000M。如果你使用嘅智能裝置或者係電腦係比較舊嘅話呢,佢係未必支援唔到1000m嘅。換言之呢,即使你升級咗做1000M、你個router亦都支援1000M,但係你嘅智能裝置唔支援1000m喎,咁你最後呢都係享受唔到1000m嘅上網速度嘅。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話