手機轉台要注意的三樣事項!

手機轉台要注意的三樣事項!

咁今日我哋就講下手機轉台要注意嘅三樣嘢。好多人喺手機轉台嘅時候呢,可能就係喺當合約到期啦,咁就見到有一個好似都幾唔錯嘅手機plan喎,咁就決定轉台啦。咁呢個時候呢其實就會有機會係錯失咗一啲更加著數嘅plan嘅。因為好多時呢網絡商推出一個手機plan呢,其他競爭對手都會推出一個相類似嘅plan嘅。咁佢哋個plan呢未必會係一模一樣嘅,咁但係呢好明顯係會有少少唔同嘅。例如呢一間可能會送一啲會員積分畀你,但係另一間呢可能就會送多2GB數據畀你喎。又或者用完數據之後嘅速度呢,可能係128kbps嘅。但係另一間呢,就幫你升級至到2mbps喎。咁所以呢喺手機轉台選擇手機plan嘅時候呢,其實最好就係先比較唔同台嘅手機plan,再去選擇一個合適自己嘅手機plan,咁就唔會錯失咗一啲更加好嘅優惠喇。

 

第二點要注意嘅呢,就係當你選擇前往門市辦理手機轉台嘅時候呢,最好事先問定同埋帶齊所需要嘅文件。例如係身份證、住址證明、又或者你係想辦理自動轉帳嘅,咁可能就要帶信用卡,咁就避免白行一趟啦。因為如果你帶唔齊文件嘅話呢,職員都係幫唔到你轉台。

 

最後一點要注意嘅呢,就係當你辦理完手機轉台之後呢,最好就係打電話返去轉台之前嘅網絡服務供應商,同埋轉台之後嘅網絡服務供應商,確認你嘅轉台手續係冇問題嘅。因為有陣時呢有機會係會出現一啲誤會,導致你轉台後嘅生效日期係遲咗又或者係早咗嘅。咁呢個情況底下呢,你原先所用嘅網絡服務供應商呢,可能就會收取一啲額外嘅費用啦。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我地嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話