手機用4.5G/5G plan 係咪有D嘥錢?

手機用4.5G/5G plan 係咪有D嘥錢?

其實就要視乎你有冇咁樣嘅需要啦。我哋一般講4.5g或者係5g plan,咁就即係代表手機上網速度快咗啦。咁如果我哋攞5G嚟做例子嘅話,根據speedtest.net測試統計喺下載速度上面呢,各間嘅網絡服務供應商都有120M以上嘅。換言之個問題即係手機上網有冇需要用到120M下載速度?咁好老實講吖,相信每一日要用到120M下載速度嘅人呢,應該就唔多嘅。因為根據youtube建議嘅連線速度呢,睇4k影片都只係需要20M嘅啫,咁Netflix更加只係建議需要15M嘅啫。咁乜嘢情況底下係需要用到120M,又或者乜嘢情況底下用120M係有好大嘅好處?就係下載一啲大型嘅檔案或者大型嘅文件。咁你成日都會見到網絡商係推銷5g究竟係有幾咁快呢,就係用呢一樣嘢去衡量啦。譬如下載一套幾多幾多個GB嘅影片,需要幾多幾多秒喎。咁就代表下載速度好快啦。咁事實上又係唔係每人每日都需要下載咁多嘢呢?仲要一定係用手機嘅網絡下載,唔可以用室內wi-fi或者係屋企嘅wi-fi下載,係唔係真係有咁樣嘅需要呢?其實就見仁見智啦。

不過如果唔係講緊娛樂用途而係講緊工作需要嘅話呢,咁我情況可能就未必一樣啦。如果你嘅工作係需要無時無刻下載一啲大型嘅文件嘅話呢,咁好快嘅網速呢其實就非常之適合你啦。人哋可能要用5分鐘先至下載到一個檔案,而你用30秒就下載到,咁你變相就慳返唔少時間、唔需要等喇。又或者如果好快嘅網速係幫到你賺錢嘅話,個人認為即使個上網計劃係貴啲嘅話呢都係值得嘅。如果大家有任何寬頻上嘅查詢,可以致電2121 1544,或者whatsapp 9749 8987,同時亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話