【注意!】Lan線會影響寬頻速度!

【注意!】Lan線會影響寬頻速度!

咁今日我哋就講下lan線會影響寬頻速度嘅問題。咁首先乜嘢係lan線呢?就係講緊嚟路由器接駁一啲智能裝置會用到嘅連接線。例如如果你嘅電視機頂盒係需要上網嘅話呢,正常呢都會需要一條lan線連接你嘅電視機頂盒,咁你先至可以上網睇到一啲收費電視嘅電視節目。如果你唔係用無線上網嘅話呢你正常都會係需要用條lan線,去連接你嘅電腦,你嘅電腦先可以上到網嘅。而今日呢我哋就講下點解lan線又或者呢一條連接線呢係會影響到你嘅寬頻速度呢?咁其實我哋平時上網呢,就係靠呢一條lan線去傳輸數據嘅。不過lan線都有分唔同嘅規格嘅。例如係比較舊嘅cat5 lan線,最多只係能夠支援100m嘅上網速度嘅啫。咁cat5e、cat6、又或者cat7,先至係會支援1000m或以上嘅速度嘅。如果你屋企呢係簽約咗1000m嘅寬頻速度嘅話呢,但係你嘅lan線只係支援100m呢,咁你嘅寬頻速度都唔會快嘅。咁個情況呢其實就好似同你水樽嘅樽頸位一樣,如果你水樽嘅樽頸位係限制到好似紙包飲品咁樣,無論你個水樽入面係有幾多水都好,你嘅出水量呢依然都係細、依然都係會慢嘅。另一個lan線會影響寬頻速度嘅原因呢,就係你lan線嘅質素。市面上有好多lan線可以揀啦,有平有貴。咁平嘅可能幾蚊就有一條,貴㗎啦可能幾十蚊甚至乎幾百蚊先至會有一條嘅。咁就是乎做工、規格、用料而定啦。但係比較安全嘅做法呢,就係可以用返你買智能裝置嘅時候,附送嘅嗰條lan線,又或者依照番佢附送嘅嗰條lan線嘅規格去購買一條適合自己嘅lan線。

 

如果大家有任何寬頻上嘅查詢,可以致電2121 1544,或者whatsapp 9749 8987。同時,亦都可以訂閱我嘅頻道,我哋下集再同大家分享其他資訊,拜拜!

致電 2121 1544 免費索取寬頻報價。

歡迎WhatsApp我們!

寬頻報價,寬頻上網,商業寬頻,住宅寬頻,寬頻電話,WiFi上網,光纖,光纖入屋,1000M,500M,200M,100M,5GWiFi

掃描二維碼即時線上對話